WAZIRI wa Uhusiano na Uratibu katika ofisi ya Rais, na Mbunge wa Bunda Stephen Wassira atakua mgeni rasmi katika harambee itakayohudhuriwa pia na wanasiasa kadhaa nchini.
Baadhi ya wanasiasa walioalikwa wanatajwa kuwa ni mawaziri wakuu wastaafu Fredrick Sumaye na Jaji Joseph Warioba na Waziri Mkuu aliyejiuzulu kwa kashfa, Edward Lowasa pamoja na mtoto wa Rais Ridhiwani Kikwete.
Harambee hiyo imeelezwa ni ya kuchangia fedha kwa ajili ya ununuzi wa madawati, ujenzi wa nyumba za walimu pamoja na vyumba vya madarasa shule za serikali katika kata ya Nyamuswa, Bunda mkoani Mara, ambako Wassira ni Mbunge wake.
Taarifa hiyo imetolewa na Mwenyekiti wa Wazee wa Kamati ya Maendeleo ya Elimu katika Kata ya Nyamuswa, Wilfred Sinduka, ambaye anasema harambee hiyo itafanyika Januari 8 mwaka huu katika shule ya msingi Nyamuswa; shule ya msingi alikosoma Jaji Warioba.
“Harambee hiyo itaanza saa 4 asubuhi ambapo Ridhiwani Kikwete pamoja na Waziri wa Uhusiano na Uratibu katika ofisi ya Rais, Stephen Wassira wamealikwa “ alisema mwenyekiti huyo.
Mwenyekiti huyo alisema lengo la harambee hiyo ni kupatikana kiasi cha zaidi ya shilingi milioni 150 .
Alifafanua kuwa fedha hizo zitatumika katika ununuzi wa madawati 816 yanayohitajika katika shule zote za msingi(za serikali) pamoja na ujenzi wa nyumba pamoja na vyumba vya madarasa katika sekondari zilizomo katika kata ya Nyamuswa.
Alisema wazo la harambee hilo lilitokana na msaada wa madawati 30 yaliyotolewa na mmoja wa wanafunzi waliowahi kuhitimu elimu ya msingi katika shule ya msingi Ikizu iliyomo ndani ya kata ya Nyamuswa, Juma Makongoro.
Alisema mbali na msaada huo wa Makongoro ambaye sasa hivi ni Afisa Uvuvi Mwandamizi mkoani Mwanza, bado kuna upungufu wa madawati katika shule mbalimbali za msingi katika kata hiyo.
“Hata hivyo, tumewaalika wabunge wote wa majimbo ya mkoa wa Mara, Viongozi wa serikali, wafanyabiashara pamoja na wananchi mbalimbali kutoka ndani na nje ya mkoa wa Mara” alisema.
Habari hii imeandikwa na Juma Ng’oko, Mwanza
Sasa hapo Ridhiwani anakwenda kwenye harambee kama nani kiongozi wa chama ama serikali ?
Toka enzi za Nyerere, Mwinyi, Mkapa hatujawahi kusikia watoto wao kuhusishwa na mambo kama haya. Sasa huyu bwana mdogo Rizwani ni kiongozi wa chama, serikali ama kikundi gani hapa Tanzania?.
LOWASSA ndiye anayefaa kugombea uraisi ndani ya CCM kwani ni mtendaji aliye makini na anajua nini anafanya,
CCM BILA LOWASSA NI BORA CHADEMA IKAPEWA NCHI!!!
pamoja na kashfa zote anazotajiwa huyu bwana edo lakini bado ndio kichwa tunachokiona ila tunamuomba ajirekebishe kama ni kweli yanayosemwa kwani kwenye siasa kusemwa kupo sana
Hivi ninyi mliomwalika Ridhiwan mna maana gani ? kwa sababu mmewaita walio kuwa viongozi na huyo bwana mdogo ili iweje?hata kama nia yenu ni pesa lakini kwa hapo……….